[ad_1]
અમદાવાદ15 મિનિટ પહેલા
- કૉપી લિંક
- વેજલપુરમાં રિક્ષાની-સરખેજમાં ટ્યૂબ-ટાયરની ચોરી કરી હતી
વેજલપુરમાંથી લોડિંગ રિક્ષાની ચોરી કરીને તે લઈને સરખેજ વિસ્તારના એક ગોડાઉનમાંથી ટાયર – ટયુબની ચોરી કરનારા 2 ચોરીની સરખેજ પોલીસે ધરપકડ કરી હતી. બંને પાસેથી પોલીસે રૂ.2 લાખની કિંમતની રિક્ષા અને રૂ.1.35 લાખની કિંમતના ટાયર-ટયુબ કબજે કર્યા હતા.
સરખેજ પીઆઈ વી.જે.ચાવડા સ્ટાફના માણસો સાથે પેટ્રોલિંગમાં હતા ત્યારે એક લોડિંગ રિક્ષામાં ટયુબ-ટાયરનો જથ્થો લઈને જતા 2 માણસને પોલીસે રોકયા હતા. તેમની પાસે ટયુબ-ટાયરના બીલ સહિતની માહિતી માંગતા તેઓ કોઇ આધાર-પુરાવા રજૂ કરી શકયા ન હતા.
પોલીસે બંનેની ધરપકડ કરી પૂછપરછ કરતા તેમાં મોહંમદ ઈરફાન મેમણ(33) અને સુફીયાન શેખ (27)(બંને રહે. દાણીલીમડા) હોવાનું જાણવા મળ્યું હતંુ. બંનેને ટયુબ – ટાયર અને લોડિંગ રિક્ષા વિશે પૂછતા તેમણે તા.15 ઓકટોબરે વેજલપુર વિસ્તારમાંથી લોડિંગ રિક્ષાની ચોરી કરી હતી.
ત્યારબાદ તે રિક્ષા લઈને તે બંને સરખેજ વિસ્તારના એક ગોડાઉનમાંથી ટયુબ-ટાયરની ચોરી કરી હતી. તેમની પાસેથી પોલીસે રૂ.2 લાખની કિંમતની લોડિંગ રિક્ષા અને રૂ.1.25 લાખની કિંમતના ટયુબ-ટાયર મળીને કુલ રૂ.3.35 લાખની કિંમતનો મુદ્દામાલ કબજે કર્યો હતો.
